أمى
لا يا أمى مش كلمه انتى
لا يا أمى مش سطور تتكتبى
لحن دافئ يسرى فى روحى
عايشه فى أنفاسى فى دمى
حنينه انتى بحر حرير
حوليكى يا أمى أرواحنا عصافير
أمى
فين الكلام اللى يوصفك
مهما كتبت محتاجه أعرفك
وأنا صغيره وأنا كبيره
انتى انتى البيت الكبير
اللمة الحلوه بطعم الحب
الحب الصافى بطعم الأم
حتى راحتك تزيل الهم
أمى
يا شوره حلوه تصلح الكون
يا ورده نعمه ملكة الأمان
يا كلمه حكيمه تعدل المايل
بكلمتك يا غاليه الهم زايل
حتى عيالى مرتاحين فى حضنك
وقت الضيقة وقت الفرح الكل عندك
أمى
حتى حروف اسمك حبيبتى
حتى طيفك حتى رسمك
يوم ما تبعدى تبعد عنى روحى
يوم تتعبى هو يوم جروحى
يا حب العمر الحقيقى
يا إحساس بإحساسى حاسس
ولكل اللى فى قلبى لامس
كلمة بحبك أى كلام
انتى الدنيا ..انتى الوطن
انتى السلام
بنتك..هاله
ليست هناك تعليقات:
إرسال تعليق