انا البسيط ف لقمتي وقوتي
ولا إشتكيت من بلوتي بصوتي
ولا اشتريت خوفي ب سكوتي
انا البسيط علي التراب فرشي
وإعتليت الرضا يكون بالرضا عرشي
وراضي بالعيشه والقسمه
مادام قسمة اللي بإيديه حياتي وموتي
انا البسيط فحلمي وطموحي
وباني بيت الصبر لجروحي
طوبه رضا وطوبه تستر علي روحي
سقفي السما ونجمه تنور علي سطوحي
وراحة البال اطلبها بالموال
وانقي الكلمه بحروف الضمير تتقال
من جوه الشق نور الحق
ينطق يزين بوحي
انا البسيط ف حلمي وطموحي
انا البسيط متداري ف العفه
ياريت يازمن لاتبخسني ف الكفه
دا الدنيا بيت واخدانا ف حماه لفه
وهواها خيط ملفوف عالعقول لفه
لاهيه قلوب لاهيه
بتسهي فعقول ساهيه
واهي دايره زي الساقيه
بتلف بعمرنا لفه
انا البسيط متداري ف العفه
ليست هناك تعليقات:
إرسال تعليق