( برغم الود)
حاسس
بينى وبينك
مليون سد
برغم العطش الفاير
فى الننى
والطافح على ورد
الخد
إن الشوق المرمى ف
ضل جفونك
بركان صهد
يحرق كل الجزر المزروع
فيا
ويقطع شرايين
المد
برغم الود
حاسس إن الضحكة المروية
بشريان قلبك
فوق الرمش
فل وورد
ملهاش رد
كنت أقولك
كنت تقولى
نحكى ساعات أبدا
مانمل
كنت تقولى أن عنيا قزازة
خمرة
لو شافها العابد '''
حتى صوابعك لما تحاول
تحضن كفى
شوقك لى
بيحوطنى بحروف
نار
مالهاش عد
حتى شفايفك
لما تحاول لمس ايديا
كرباج نازل
يجلد جلد
برغم الفجر
ونوره الطارح جوة
عيونك
رغم الوعد
لبكرة الجاى
وسنابل بالخير
مليانة
ولسانك بينقط شهد
حاسس
إن قيودك منجل
يحصد فى عصافير
روحى
يحصد فى امبارح
بكرة
ويموت جوايا
الوجد
برغم الود
ليست هناك تعليقات:
إرسال تعليق