ع العموم
كل شيء قسمة ونصيب
وانت اصلا مش حبيب
انت قلبك مش عشاني
انت جرح ملوش طبيب
.............
ع العموم
انت فنان في الخداع
وانت واخد ع الوداع
انت اسوأ حلم عشته
انت حد لنفسه باع
............
ع العموم
انت مغرور انت وهم
انت شيء مبقاش مهم
انت مبقيتش ف حياتي
انت سرطان جوه دم
...............
ع العموم
الحياة بيك أوبدونك
والبشر مش كله لونك
واللي صان قلبك وحبك
مستحيل كان يوم يخونك
.................
ع العموم
هو ده اخرك معايا
انت مش قد الحكاية
انت ماعرفتش تصوني
خد نصيبك من اسايا
..............
ع العموم
الوداع مش شيء خطير
واللي بينا مكانش خير
والشموس وقت اما تغرب
ف الجمال تفرق كتير
.............
ع العموم
اللي فات كله اتنسى
وانا م القلوب المخلصة
مش هرد عليك خيانتك
مهما حظي معاك رسا
..............
ع العموم
مع السلامة بدون عتاب
وخد معاك اجمل سراب
وأي شعر ف حبي قولته
قطعه وإرمي الكتاب
ليست هناك تعليقات:
إرسال تعليق