طمني عليك
********
عامل إيه طمني عليك
مين في الغُربة دي حاسس بيك ؟
مين في البرد قوام يحميك ؟
برموش عينُه و يـدفيـك
يمسح ساعة الحُـزن عينيك
ويشيل هَمك حاسس بيك
قول يا حبيبي أنا مِلك إيديك
....................
مين بيطبطب ويصحيك ؟
على صوت غنوة تأثر فيك
مين بيدادي و يِسْهَر بيك ؟
لما بتتعب ويعـديـك
بر أمان ويكون حواليك
ضحكة وضمة تحن عليك
مين غير قلبي حيلمس فيك ؟
مين غير روحي حتسليك ؟
من غير حضني حيسكُن فيك ؟
قول يا حبيبي أنا ملك إيديك
********************
للشاعرة / مارلين موسى
ليست هناك تعليقات:
إرسال تعليق