عيد مبارك دى لمين ....... للشاعر / سيف مبارك

عيد مبارك دي لمين

دي لأبطال الكمين

يا اللي غدرك ف الحبايب

شعب كامل بات حزين

أي مله وأي دين

.....

لما تنزل دمعه حاميه

وسط زغاريد الفرح

لما نقطه دم تنزل

كان ف سينا اورفح

أي مله وأي دين

....

قلبك الجافي العنيد

فاكر انك واد متين

لما تختار كل عيد

جاي تبكي الفرحانين

أي مله وأي دين

....

شرك ال فاتح له باب

يا جبان خاين وطامع

جاي بتقتل ف الشباب

ف الكنايس والجوامع

أي مله وأي دين

.....

يا اللي بكيت كل ام

السلاح طال من ضناها

نابك طافح من سم

قول لي نابك مين وراها

أي مله وأي دين

.....

طاب عملك ايه عمر

تنهي حياته

لسه بيعد ف سعاته

وهو واقف ددبان 

حامي الوطن

طاب دي جزاته

لسه بيعد ف سعاته

باقي كام يوم ع الاجازه

امه كات وحشاه قوي

واحشه صاحبه الفهلوي

كل طار مع روحه 

وهي طايره ف السما

وهي طايره رايحه جنه

...............مسك عنبر

ويا حنه

طايره عامله ملحمه

.......

قولي ليه الحقد الدفين

أي مله وأي دين

بيقول كده

أي مله وأي دين

.....

عيد مبارك ف الجنه

شهداء الكمين

رحم الله الشهداء

واللعنه والخزي والعار ع القتله المجرمين

اللذين لا ينتمون لوطن ولا دين

حسبنا الله ونعم الوكيل

......

سيف عثمان

5يونيو 2019