
جابوا لحالي دوا
انا قلت مش ح يضر
قولوا لطبيب الهوا
حتي الدوا لو مر
مادام ح ناخدوا سوا
يمكن يفيد ويسر
اكتب دوا ياطبيب
واديني برشامة
اللي جرحني حبيبب
وبشامة وعلامة
وجرحي والله رهيب
لاعتاب ولاملامة
قعد الطبيب جنبي
وشرحت له حالي
والحب في قلبي
بيدق طوالي
قلت الغرام طال بي
قال لي وانا مالي
قعد الطبيب ع الأرض
ملقاش حدايا نبض
قال اتخلقتوا لبعض
اجري وهات لي سعد
قعد الطبيب راسي
علي طاولة وكراسي
أنا قلت ياراسي
قال ياما حتقاسي
قعد الطبيب محتاس
وقال غلبت ياناس
دورت في الكراس
ملقتش غير إحساس
اما الدوا فخلاص
دة معلقة إخلاص
لما الطبيب بلم
وانا كنت بتالم
الجرح يامعلم
خلاه مايتكلم
مع تحيات
شيخ السجالات
البدري زايد
ليست هناك تعليقات:
إرسال تعليق