العيد خلاص..... هل علينا
وف إيده... .صفوة أمانينا
وف مصرنا.. الغاليه علينا
بتهنى أحمد........ إيد مينا
من بدرى..... قايمين بنكبر
ونقول عظيم ... الله أكبر
والفرحه... ف قلوبنا بتكبر
بعديه..... بتدفى..... إيدينا
ف الصبح بدرى ..بنتفسح
وولادنا .....حوالينا بتمرح
وشيوخنا من الفجر تسبح
وبتدعى..... لبلدنا...... ولينا
الكحك مرصوص ف صوانى
وف حضنه فصدق وسودانى
وأمانى.... بتقول ......لتهانى
مرحب...... يا غاليه.. أنستينا
والشمس...... م الحب بتطرح
ف قلوبنا ميت مليون مطرح
وتقول يا نايم...... قوم وافرح
العيد ...خلاص.... خش علينا
وادى مركبه... فارده شراعها
ومركبى...... ناوى .. يفسحها
بتنادى ..ع اللى .....بيسمعها
من ناس بلدنا .........وأهلينا
*********************
رضا أبو الغيط
ليست هناك تعليقات:
إرسال تعليق