يحرم علي الشعر
لو هكتبه لغيرك
ماياما دوقتى المر
وياما كان خيرك
فازاى اشوف دمعتك
واسمع انين شكوتك
لما الآلام كسرتك
ومكونش منديلك
ع الطيبة ربيتى
وتعبت وشقيتى
عمرك ماكليتى
ولا طافية قنديلك
شيلتى الحمول بالكوم
ولا قلتى اه ولا يوم
واذا نمت يوم مهموم
همي يزيد ويلك
ياام الكرم والجود
يانعمة م المعبود
والفضل ليكِ يعود
من قلبي بدعيلك
حقك على راسى
وفداكِ انفاسى
فاكرك ومش ناسي
شدى بقا حيلك
ليست هناك تعليقات:
إرسال تعليق