جيشنا مش موضع مناقشه
اصل جيشنا يعني جيشنا
يعني ابني و ابن صاحبي
و احنا فيه ف شبابنا عيشنا
اللي كان تجنيده جندي
و اللي كان ف الوحدة ظابط
اللي حارب ف المعارك
و اللي ابوه كان يوم مرابط
ان ف لحظة قلنا جيشنا
يبقى قول معناه اسود
فوق دماغنا و تاج لراسنا
اللي حاميين الحدود
اللي ع الدبابة صاحي
و اللي ماسك بندقية
و اللي بيخوض المناورة
فوق تراب الأرض دية
و اللي راكب طيارتها
و المشغل للردار
و اللي طول الليل ف خدمة
و النباتشي ف النهار
كلهم غاليين علينا
مين بيكره يوم ضناه
مين بيفرح لما ابنه
تتخطف منه الحياة
ياللي مش فاهم... أمانة
لأ تزايد بالكلام
لا تجيب سيرة خيانة
هي مش قصة خصام
هو لينا اكتر ما ليكم
مش عشان أولادنا فيه
لا عشان ف قلوبنا ساكن
و بحياتنا نفتديه
ليست هناك تعليقات:
إرسال تعليق