تجميع لكل ماقلته عن الصدق
تحياتي تحياتي
ولو تبدأ سجالاتي
تلاقوني أنا شيخها
حبيب الكل وحياتي.
تحياتي تحياتي
يااهلي وناسي واخواتي
ياكل ماليا في الدنيا
ح اضيفكم في سجلاتي
قول الصدق ولو تنداس
واوعاك تكدب يوم ع الناس
دة اللي يقول الصدق ياصاحبي
تاج حنشيلوا فوق الراس
الكداب ح يخش النار
وكمان عيشته حتبقي مرار
والناس تحذر دايماً منه
ومفيش بيني وبينه عمار
والكداب لو حتي معاه
كل المال والناس والجاه
عمره مايكسب ولا يفوز
وحيخسر دوغري ياولداه
والصدق ينجي من الضيق
خليه ليك العمر رفيق
يوسف كان صادق مع ربه
لما ناداه
قاللوا ياصديق
كدبك ح يوديك لجهنم
وتعيش عمرك كدة متالم
ولأن حياتك مليانة
كدب وغش
ياريت تتعلم
عب غفار اهو جانا كمان
يشهد وبصدق الفنان
ويقول ياما علي الارغول
الصدق منجي ياانسان
خش ياللا بلاش لكاعة
احكي ع الصدق بشجاعة
السجال ع الصدق قول
أوعي تكدب هيا ساعة
واوعاك تنسي أبو بكر كمان
صادق بقي صديق عشمان
يدخل بيها الجنة وصاحبه
حبه لسيدنا النبي عنوان
حمدي سليم
انا باشكرك علي مقلبك
مقلب ظريف لما اشتبك
قلمي ف سجاله واندمج
كنت أنت حطيت الشبك
مرة الاقي البوست بتاعي
مكتوب فيه إعلان وصباعي
قفلوا عليه الباب ياخوانا
شالوا مكانه وحرقوا متاعي
عملوا سجال وف بوست جديد
رحت ورا هم قالوا نعيد
قلت كلامي راح بلوشي
ضحكوا عليا بعد العيد
لسة العيد خالص ياخوانا
وان شاالله تروحوا ع الجنة
أنا وياكم ماانتوا نصيبي
واتمتع بيكم واتهنى
بص ياصاحبي انا ح اكتب تاني
كل اللي قريته وعنواني
مايتوهش انا باحفظ حقي
اول باول ولاتنساني
لو بتغش ياصاحبي بلاش
تكدب ع اللي معاك اهو عاش
واد الك ياحبيبي أمان
وسأل عنك في الإنعاش
أنا مابحبش أكون كداب
ولا أحب الراجل النصاب
وبحب الدوغري ياجدعان
هو سجالكم له كم باب؟
عمك حمدي لقاني صبور
يكتب اسمي اقول مشكور
المرة دي بيلغي سجالي
ويخليني راجل طرطور
قالك أعمل فيهم مقلب
والعب لعبة
واركب عنكب
بس عشان حبايبنا كتير
قلت انا لازم طبعا اكتب
عمك حمدي لقي الموال
ع الصادقين والصدق مجال
مش بيحبه
هرب الراجل من ده سجال
ياللي الصدق حبيبك قول
ازاي تمشي كدة علطول
من غير كلمة تقولها عشاني
أنا مش مخلة بتملاها فول
كنت عارفه مش ح يصدق
قلت يمكن مرة يلفق
حتي لما حذروني
قلت بالمسكين حنرفق
موتي وسمي الكدب ياناس
واكره طبعاً إني انداس
أي خيانة وغدر تمللي
بيخلوني بدون إحساس
كدة نخلص يااستاذنا
عملها فينا واحتسنا
وخلي لنا السجال فاضي
وعذبناه وخلصنا
ليست هناك تعليقات:
إرسال تعليق