أعيش لمين غيرك
ــــــــــــــــــــــــــــــــــــــــــــــــــــــــــــــ
أعيش لمين غيرك.... أنتِ يا ما أدتينى
خت منك كتير.... عمرى ما ديتك
وعمرك ما طلبتى منى
ولما احتاج..... تمديلى إيديكِ
عايزينى ليه أخونها... وأقطع إيديها
إن كنت ناسى.... مش حنسى اسمكِ
إن كنت قاسى..... مش حنسى حنانكِ
ربيتى فيه الرجوله.... وأنا بحبو قدام عنيكِ
شلتى همى وشيلتينى..... وإدتينى من حنانكِ
لما أتولدت..... إدتينى اسمى
لما اتكلمت..... نطقت اسمكِ..
مصـر.. مـصر ..... أم الدنيا
شفت الفرحة فى عنيكِ
ودموعى اختلطت بدموعكِ
وإيدك مضلله عليه
تحمينى من شمسك
أعيش لمين غيرك..... إنتِ يـا ما أدتينى..
كان زمان.... عايزن يشترونى
لجل أخونك.... وأبيع خـواتى
لـما قـلت..... لا
راحو يضربونى..... ويعذبونى
لجـل أرجـع وطاطى.....
أضـرب...... أضـرب..
مهما تضربونى..... مهما تعذبونى
عمرى ما حقول آآآآآآآآآه .... من الآلم
لـو قطـعتـونى.....
شايفك فى عنيه حلوة
صبية.... بهية..... متحنيالى
أنـا بحـلـم ولا بحـتضـر..
روحى رايحه مش راجعه تانى
أعيش لمين غيرك..... إنتِ ياما أدتينى..
بقلم الأديب/ مجدى متولى إبراهيم
ليست هناك تعليقات:
إرسال تعليق