فين ساير بيا
.............
فين ساير بيا يامجداف
وانا وسط لبحر ف ختيلاف
بحري هذا وشحال كلاف
طالب من ربي سر الالطاف
حالو حال ومازال عايش فيه
فوق جهدي وكيف ندير ليه
جارفو ومازال غادي به لهيه
مهموم نطلب ربي يشفيه
سلمت امري لخفى ظروفو
ومواج الوهم حاسة بخوفو
ماقادر هكذا ونشوفو
ماشي ميزانو وصروفو
لله ياهل الحال فيدوني
بسكاتكم لاتزيدو تخنقوني
وانا منكم لا ترموني
ولد باب الله غير فهموني
مني مني ماشي اغريب
والحال الحال وشحال صعيب
هانا وسط جمارو كنطيب
يعلم به ربي مول الغيب
لفقيه للي مشيت ليه يكذب
ومخليني هكذا معذب
وانا معاهم في عمق الحرب
وانا شمس حامية ماتغرب
ربي ربي وفيك رجايا
ربي سيدي وانت معايا
ارفع وزول كل ابلايا
انت حكيمي وسر دوايا
........................................
قلم صقر الحروف الزجال / بوسبولة المحجوب
ليست هناك تعليقات:
إرسال تعليق