ليل الغرام
نفسي يا ليل الغرام
تطرح على بابي
واسهر معاك وانشرح
وأغني موالي
وانهل من الشفايف
واسعد بأحبابي
واعيش معاك الغرام
وابدل لأحوالي
اشرب امان وارتوي
ولاأعيش أنا خالي
اصحى ياليل الغرام
وفوق النايمين
واحضن معايا الشوق
واغمرني أمل وحنين
وصي عليه القمر
بنوره يملاني
ولاأني اعيش في العتمه
واصرخ واقول ياني
يا نجم سهران معايا
انت شاهد ودليل
على حب مالي حشايا
فاتلي جراح وأنين
واجيب منين الدوا
والعتمه خنقاني
متقول ياليل القبل
ألقي دوايا فين
الصيدلي فاتني
وبقيت من المجانين
متقول ياقاضي الغرام
ده يبقى شرع مين
صبرت والصبر طال
ونسيت معاه المواويل
متقول ياليل الغرام
حبايبي راحوا فين
علشانهم ألف بلاد
ولااني أبات مسكين
شعر الاستاذ طلعت مجاهد
ج مصر العربيه أجا دقهليه
ليست هناك تعليقات:
إرسال تعليق