ومهما نسيتك
ومهما نسيتك يا أمى
عمرك ماكنتى نسيانى
ومهما بعدت أنا عنك
بعود لحضنك من تانى
وتوحشنى نظرة عنيكى
يااغلى اسم على لسانى
ياأجمل ورده فى جنينه
ريحتها حلوه وعجبانى
من بعد غيابك ياغاليه
بقيتى كتير وحشانى
خلاص روحتى وسبتينى
ومش راجعه دنيتى تانى
لامرة عمرى انا نسيتك
ولاعمرك غبتى عن بالى
دورت فى كل اللى حواليه
مالقيت زيك فى وجدانى
ياشايله همى طول عمرك
ومن بعدك بقيت. وحدانى
راوية حسن
ليست هناك تعليقات:
إرسال تعليق