بعض الفئات وبعضهم
انا المذيع وبذيع
اخبار مزاجيه
ابني الحوار واختار
اشياء ماهيش هيا
اعمل معارض واعارض
لكن بشويش
وامدح فساد
نفعه يعود ليا
انا المذيع ع الشاشه
فارد دراعيا
انقى كلامى فصحى
وعاميه
اطبل مع الماشي
وارقص مع الرقاص
واكون هجاص
زعيم في شلليه
كلامي بس لناس
واضحك بدون احساس
واساعد ابوسواس
يكون سند ليا
ابني بحور في الفتن
واضرب بعرض المحن
اغزل خيوط الكفن
في قافيه معاديه
ضارب خصومي
فى حيط
انا برضه فكري
حويط
واضرب حمار
الغيط
تخاف لفنديه
عشان مذيع وبذيع
اخبار مزاجيه
عوني هشام
ليست هناك تعليقات:
إرسال تعليق