( أمي )
أمي جوايا حنين بينادى عليكي وحشتيني ...
لا عمري هنسى حنانك ولا حضنك الدافي
عدت ليالي ورا ليالي ودمعتى علي خدي ...
وحشتني صورتك وروحك عايشه معايا بقلبي
امى ليه الدنيا آسيه عليا خدتك منى ليه
كنتى الحضن انتى الغاليه كنتى عندى كل الدنيا
وقت ما بصحى وافتح عينى ومش بلاقيكي
اهرب بخيالي لايامك وبقول ياريتها ترجع تاني
سبتي فى قلبي وحياتي فراغ كبير يا امي
مهما قولت وتنهدت بانين غيايبك صعب اوصفلك اشتياقي
وحشاني كل حاجه فيكي عشت معاكي أجمل قصص صبايا
فاكره كلامك ليه وقت شرب الشاي وقهوة العصريه ...
وخوفك عليا ونصحك ليه يوماتي وحشاني يا أمي ...
قلبي من غيرك حزين دنيتى وانتى مش فيها صعبه عليا
كنتى اللمه كنتى العيلة كنتى كل حبايبي وكل الدنيا ...
مافيش بايده غير اني ادعيلك بالرحمه ويصبر قلبي
اصعب فراق فراقك يا امى واكبر حب حبك يا امي
كنتى شمسي وقمرى وحياتي وكل ماليا يا حته من قلبي
دلوقتى غابت شمسي وضلم ليلي من بعد رحيلك وبعادك يا أمى
مشتاقة اسمع اسمي منك مشتاقة احكيلك تطبطبي وتضمي يا أمي
وحشاني كتير وقلبي حزين محتاجه اشوفك ولو حتى ثانيه ...
نفسى اشوفك تاني وارجع أخدك بالاحضان زي زمان يا أمي ...
بقلمي : فاطمة عقل
ليست هناك تعليقات:
إرسال تعليق