وحياة الحب اللى جمعنا
وعتابك ليه ده له معنى
مهما تطول فى لوم وعتاب
مش هازعل ولا اقولك توبنا
التوبه دى اصلها مش لايقه
على وعدى لقلبك انا باقيه
والف معاك تلاتين ساقيه
مش هاتعب ولا اقول بكفايه
ويادنيا علينا ماتهدى
رفيق العمر جاى من بدرى
وهدانى فلى مع وردى
وسألنى عليه ياعيونى ردى
مين فى العشاق فرحان قدى
انا هانسى عذاب عشته زمان
انا هانسى زعلى وانينى
وقت اما كنت انا زعلان
مش فاكرة منه الا سنينى
وسنين مرت على قلوبنا
وان توبت ارجعلك من تانى
اياك تقول م الهوى توبنا
ولاتنساش ابدا عنوانى
زى مااحنا وهو مكانى
وهاصالح بيك انا ايامى
وكفايه عتابك لكلامى
انسى وتعالى نعيد تانى
احلامنا كانت وامانى
ياسنين العمر اوعى تعدى
واستنى هنا بس شويه
من غير مايجي حبيبى عندى
ويقولى رايدك ياصبيه
يطلب حبى ويبوس يدى
استنى تجينى تهنينى
وتقولى سامحتك ياملاكى
واعوض بيك كل سنينى
وهافضل واقفه فى شباكى
ياسلام ع الضحكه المليانه
من حبه وهجره انا نسيانه
والورده الحلوه النعسانه
من بستان حبك دبلانه
ارويها ورد الروح فيها
وعلى الاخلاص بتربيها
تخلصلك دايما وداريها
عن عين حسادها ومريديها
انا قلت لقلبى ونصحته
ولاغيرك يوم فكر فيه
على حسك هو واخد راحته
انا عارفه لكن مداريه
قلت اما اسمع منك وتقولى
ياسمينة قلبى مع فلى
واصدق انك تهوانى
وزى مابريدك بتريدنى
~~~~~~~
راوية حسن
ليست هناك تعليقات:
إرسال تعليق