نويت من بكره اتسامح
و اتصالح مع امبارح
و اقول جوايا مش فارقة
ما هي الغرقة
بتبقى تملي شئ جارح
ف هانسي شخطته فيا
و انا ليا حاجات عند و ناسيها
صحيح يمكن ما باطلبهاش
و اقول ما بلاش
و نار المر باطفيها
برغم اني يدوب انسان
و عندي لسان
و باعرف يعني اتكلم
لكني زهقت م الاوجاع
عشان شئ ضاع
و عارف اني باتعلم
و في الاخر مالوش لزمة
و مش أزمة
اسامحه و اقول له مش عديت
صحيح دم الجروح نازف
و مش عارف
الملم روحي و اسكن بيت
و لو لازمك كمان بكره
فدى فكرة
و انا هاسكت و مش هابكي
مفيش ايام شايفها تمام
و كاره اني افوق و احكي
سلام يا ارخم امبارح.
يا موت سارح
و نازل قتل ف الأحلام
و خاطف فرحة من قلبي
و بتخبي
و حالف يبقى كله كلام
فهمي علي نصر
ليست هناك تعليقات:
إرسال تعليق