نسيت عنواني ولا تاه منك في زحمة الأماني
وإن كان اللقا نصيب أكيد هنتقابل تاني
بتعلمني ازاي انسي في بعدك احزاني
وانا حزني كبير مالوش اخر غير أنه اعياني
باحلفك بحق من جمع القلوب من غير ميعاد
تعال ننسي أحزاننا وننسي مرارة البعاد
نترقب فينا روح الخيال وقت السهاد
تعال نرسم أحلامنا من غير عنوان
فرشه وقلم وورق وكمان ألوان
نرسم خط سيرنا بعيد عن الحرمان
بس امانه تجيب فرشه رافضة تخلط الألوان
الابيض يكون ابيض والاسود آخره هيبان
تعال نرسم واياك تقولي فات الأوان
لو لقيت لون متمرد رافض الأنسجام
يرفض الخلط مع الألوان
قوله هارسم خط الاحلام
وشوف أنت بقا لو كانت حقيقة ولا خيال واهام
هنستني في محطة الأنتظار ومعانا شوية احلام
من غير عنوان رافضه الرجوع والأنكسار
يا طير امانه استني بشوق وانسي مرارة الأنتظار
أنسج خيوط العشق واستني يطلع النهار
ياعاشق للبعـد مترميش قلوب حبتك وسط النار
أن طال الغياب والاسي وطال الأنتظار
والليل سرمـدي من غير أحلام
نتجادل بميعاد أنت ضيعته ولا فارق ليل من نهار
شوف امبارح ازاي ضاع من عمري ولا تحسبه الاقدار
اسال نفسك لو كنت حسيت لوعة الأنتظار
هافضل استني ومعايا هواجس الليل المرعب
هاعشق الصمت عشان أعيش والقلب متعذب
الأيام كأن قلبي مغلول متقيد بوهمك ومين يكتب
عن عنوان ضاع منك وانت ولا داري ولا تحسب
لما تسمع الندا جاي من قلب العاشق اللي ليل نهار بيتعذب
مجرد خربشات قلم
ساميه ابراهيم
ا
ليست هناك تعليقات:
إرسال تعليق