( عايش غصب عني ) :
الألم بقى جزء مني
والدموع شيء غصب عني
والحياه ما بقيتش فارقه
يعني عايش غصب عني
عمري ما حسيت أمان
ولا شفت مرة ف يوم حنان
انا عشت ايامي ضنا
مش م النهارده .. ده من زمان
آسيت كتير انا فى الحياه
ولا جيت في مرة وقلت آه
لحد امتى الذل ده ؟
وصل معايا لمنتهاه
كفاياكي يا دنيا اهمدي
للحزن شاطرة تجددي
ولو لمحتي الفرح جي
تروحي عني وتبعدي
خليني مرة انسى العذاب
واعيشلي لحظة ولو سراب
يمكن تنسيني الضنا
يمكن ترجع لي الشباب
بقلمي الشاعر جمال زكي عينر
ليست هناك تعليقات:
إرسال تعليق