لو يسألوا عنك
راح اجمل القصة
هقول أكيد انك
مش طبعا الخسه
ما اقدرش أجرح فيك...
برغم انك بايع
والبعد كان بإيداك
يا قلب كان ضايع
ولافيش قلوب حواليك
أنا قلبى كان سايع
ضحى عشان يرضيك
ما اقدرش أجرح فيك. ...
لما اكتب الأشعار
وتلقى فيها مرار
أو حزن باستمرار
أنا مش هكون بهجيك
طب عندى بس سؤال
واتمنى تعذرنى
ليه قلبى لما مال
قررت تهجرنى
وفى ضعفى هونت عليك
ما اقدرش أجرح فيك...
لو يوم جابوا سيرتك
هرد انا غيبتك
هو عشان سيبتك
هسمح بشيء يإزيك
ما اقدرش أجرح فيك....
هاصون انا الذكرى
واعمل حساب بكره
جايز أكون غلطانه
فى الحكم برضوا عليك
ما اقدرش أحرج فيك ....
مع انى مدبوحه
والشكوى مسموحه
هكون فى صبرى نوح
لا هبكى يوم ولا انوح
هعيش حلاوة روح
ذنبى فى رقبتك
لأنى صدقتك
وبرغم ظلمك فيا
ما اقدرش أجرح فيك
ارجع بقى ليا
دا انا قلبى مستنيك
بقلمى
أشكرك على ذوقك الراقي الفنان الكبير المبدع استاذنا الفاضل
ردحذف