يا بنت بلدى
يا بنت بلدى. يا مصرية
محلا جمالك يا شلبيه
يا جمالك وانتى. بالطرحه
ماشيه بتتعايقى . الصبحيه
وعيونك سهتانه وسارحه
تسرق من القلوب ميه
بالعين والرمش. وبالحاجب
ماشيه فى طريقها بتتعاجب
ولا حد فى عينها ابدا عاجب
وبيحكوا عليكى. ياشرقيه
خطابك كتير. سالونى
وده مهرك دهب. مع لولى
وبتقولى طوابير. طلبونى
يا محلا جمالك. يا صبيه
والشمس نورها على جبينك
كل اللى شافوكى. وحبينك
جايين علشان. يطلبوا ايدك
.ماتردى . ولا مستحيه
ماشيه وبرنة خلخالك
والعمده اكيد يبقى ده خالك
نفسى انا اعرف. اعمامك
لجل اطلب ايدك انا ليه
وسألت عليكى. كل اصحابك
مدحولى ووصفوا. اخلاقك
وحلفلى كل. اللى شافك
ان مافيش. منك ياعنيه
ياجميله ياحتة بقلاوة
حلاوتك مافيش منها حلاوة
وحياتك ده انتى. يانقاوة
امتى تجمعنى بيكى عشية
««««راوية حسن»»»»
ليست هناك تعليقات:
إرسال تعليق