دنيا وماشيه شمال
جاي علي الغلبان
لاحظ ليه ولامال
ومعيشاه في توهان
دنييييا
وضرباه علي قفاه
ومعانده دايما معاه
ومصفيه دمع عنيه
لالاقي عيشه ولادواه
دنيييييا
وعداه أنسان حقير
ومنوماه علي حصير
كسراه وزلاه للغيلان
وعاملاه ليهم غفير
دنيييييا
حالفه الف يمين
مامورياه يوم فرح
ومزوده عليه الجرح
ممشياه باكي حزين
دنيييييا
راح من وشها الدم
لاعندها خشي ولاضمير
قاسيه جايه علي الفقير
ومحزماه بحزام الهم
دنيييييا
دنيا قادره دنيا فاجره
جايه علي الفقير وفارده
وحرماه من أبسط حقوقه
وللحيتان أيديها ما ده
دنيييييبا
رديه ماشيه بالغيه
وأيديها قويه عفيه
علي اللي مش لاقي
واللي معاه تعامله بالحنيه
دنيييييييا
دايما مخاصمه الغلبان
ولامعتبراه حتي أنسان
ولا حطاه في حساباتها
معيشاه مالاقي الرغفان
دنيييييييا
ولابسه توب النداله
شايفه الفقير متهان
وماشي مذلول للديان
وعامله كأنها ما دريانه
دنييييييا
معانده ماليها حل ولاتدبير
محاوطه دايما علي الكبير
وللفقير ما بدمعلها عين
مشيلاه الهم شغلاه بالتفكير
بقلمي
شعبان الخضراوي
ليست هناك تعليقات:
إرسال تعليق