لقمه عيش وشويه ملح
قرب يا ولادي بسم الله
صحيح الوكل معجبكش
بس بصله المحب خروف
غالي ومقامك عالي
ولقمه الاجاويد لو عيش وملح
تسري هنا وعافيه وكوبيه شاي
تقيل تدينا الصحه والعافيه
جايه بعرق الجبين وقلوبنا
من الدنيا كافيه شققت ادينا
من طول الكافيه علي الفاس كافيه
تغني نفسنا اصل النفس عزيزه وكافيه
كلمتين هقولهم ياولدي واسمعهم زين
راحه البال مع لقمه حلال ودار طين
وجوز عيال والله تسوي كل المال
وايه يفيد سكن القصر العالي
وديوك محمره وفرش غالي
والبال شارد ولا فيه صراخ
عيالي والصحه واهنه ومقدراشي
ياولدي ازهد في الدنيا اصلها ما ديماشي
تدي اللي معيز هاشي وزا هدها ديما وماشي
وياويله اللي يفكر فيها يبات الليل يعد
نجوم لياليها وتحيره في معانيها
دنيا فانيه واعلي مافيها واطيها
وما دايم الا سيرتك الحلوه فيها
بقلمي ،،،سميرة عبد الرؤف
ليست هناك تعليقات:
إرسال تعليق