انا المذنب يارب الكون
جاهرت ليك بعصياني
والعضم مني رق
وصبحت امشي بعصياني
ونفسي اماره
ودمعه عيني عاصياني
سمعت رب إلعباد
قال وليه ياعبد تعصاني
انس وجن وحوت البحر
ما عصاني
قلت يارب الكون
انا مذنب ما ليش الاك
يااما جنه عدن
يااما درك هلاك
لو تنسي عبدك.
من للتائبين الاك
وعذري ياربي اني
ما عبدت الاك
مذنب لكني طامع
ودوم برضاك
لو تسخط الدنيا
ما كنت يوم انساك
لو مري زاد مرين
القي الحلا بهواك
يانفسي لوامه لومي
ربي غفر ذنبي
كنت بدوامه
العز لي بماواك
يانفس توبي في.
حصن الكريم منجاك
وارضي بمكتوبي
راح تعلي علي الافلاك
ياجسدي لو تبتلي
حاشاك تبكي حاشاك
ياجسدي اسجد تقرب
اطرد حرام بحشاك
يارب تايب ونايب
َلا طمعي بجنتك
ولا خوفي من نارك
عابد لاني غرض
محبتك ورضاك
بالفضل حاسبني
يارب يوم القاك
انا اللي قلبي صبي
بجوف الليالي نجاك
تنادي البي الندا
لم خاب من لباك
ارحم معني القليب
يسجد ودوم لعلاك
ابكي علي بلوتي
ارحم كمان حوبتي
اقبل غفور توبتي
دي نجاتي في تقواك
ليست هناك تعليقات:
إرسال تعليق