قليل الأصل
أقل بأصله كالعادة
سقيته الشهد من ايدي
سقاني المُر بزيادة
وبزيادة عليه يعرف
بأن الندل طول عمره
هيفضل يشكى من ذُله
وعمره ما يبقي م السادة
قليل الأصل لو قصدك
بتفتح له ببان دارك
وتديله عزيز حصدك
وبتوصى عليه جارك
وبعد مايملك الشيلة
تروح عينه على الكيلة
ولو طالت ايديه عرضك
بينسى كل أفضالك
قليل الأصل يتمسكن
ولو حكمت يبوس ايدك
لحد ما ايده تتمكن
من اللى تجود به من خيرك
ويدعيلك يطول عمرك
ويطرح نور ف قنديلك
ولو تحتاج إليه مرة
تحس ان العويل سيدك
رضا أبو الغيط
ليست هناك تعليقات:
إرسال تعليق