مجلة ثقافية أدبية فنية
الاثنين، 30 نوفمبر 2020
تعالي نعيش الحقيقة .... الشاعر / مجدي متولي
تعالي نعيش الحقيقة
*****************
تعالي... ياحبيبتي
نرجع الروح فينا
تدب
تشيلي همي
واشيل همك
ونخلي القلب تاني
يدق
ونعيش الحرية بكل
قلب
ونعوض كل ثانية
عشنا فيها بلا
حب
كفايه اللي ضاع
من عمرنا
تماثيل بلا صوت
جمود بلا قلــــب
وعنينا شاردة لبعضنا
والحركة كتير حولنــا
لناس مش حاسه
بينا
غير تماثيل يتلاقوا
عندها
تعالي نكسر الحواجز
ونزيل كل الأوهام
ونعيش الحقيقــة
بلا جمـود
بلا صمت
تعالي نعيش ونلعب
ونخلي أيامنا حـب
ونخلي أيامنا حـب
بقلم الأديب
مجدى متولى إبراهيم
اشتاق إليك ...... الشاعر / أسامه جديانه
اشتاق إليك دائما
اشتاق وانت أمامي
وفى ليلي بك حالما
والشوق زاد آلامي
نظرات عيونك نورا
يقتبس من نورك قمري
أراك فى سمائي نجما
يضيئ طريق آمالي
وفى نهاري أراك شمسا
تستطع بشعاعها أيامي
رسمت على الشطوط قصرا
فهللت بقدومك أمواجي
كم ناجيتك وناجاك موجتنا
هى من حفظت أسراري
هى من تعلم بنقاء حبنا
ألم تذكري التقينا ببستاني
وسقطت دموعك فرحا
فأنبتت من الدموع زهرة الجوري
وكنت بحناني أرويها
وخشيت الخريف يأتي
فكتبت عليها أسامينا
كي لاتزبل رويتها بدمي
عودي كي نحقق أحلامنا
ياشمس حياتي وقمري
(((أسامه جديانه)))
الحانوتي ......... الشاعر / شداد ابوعمر
الحانوتي
الحانوتي
دكانه
وفي كل حته
حواليه بارات
والدرس
ساعه تواشيح
وساعه
موهوبه للرقاصات
الدنيا يا صاحبي
مابين صوت الوجع
وصوت رن الصاجات
للحق سجن
لكن مش مانع
والحي دايما
بيحسد اللي مات
زخات وتلعن مطر
صوت رعدك
اللي انتصر
وكسًر النايات
مين اللي كتب النعي
ومين اللي عشق بكره
ياللي بتعشق جاي
عمرك ف عشقك فات
مكتوب بيتقضى
ولهمه يتحدى
يا آهه و بلهفه
تلعن سكون وسُبات
وأذاي قليل البصيره
ف العتمة والحيره
هينظر الجايات
والعلم حيله هزيل
نياشين كذا جيل
مرهونه ف الحانات
والعمّه ف أجازه
والجايزه للي
شبيه ميت
ولا للي نسي الأموات
هيهات يا حلم تكمل
ف الكُتب هيهات
معيوبه يا فكره
والجهل ف الطرقات
الحانوتي دكانه
وفي كل حته
حواليه بارات
ياللي نويت الرجوع
طب ليه بتتمنى
وف غفلة
قطرك باينه فات
بدون اسفاف ....... الشاعر / حمدي توفيق
بــدون إسفاف
ومن
حَقى
إنى .. أشتقالك
ومن
حَقى
عليكِ .. أخاف
ومن
حَقى
أأقول .. عنكِ
كام
كلمة
وحَرف .. لطَاف
وأتذكر
ما
كان ...... بينا
وصورة
لينا
بلبس .. زفاف
ياساكنه
القلب
من ...... جوه
ياقصة
عشق
بدون .. إسفاف
خلاص
خلاص
نمشي ونتعايش
نعيش
الدنيا
باستلطـــــــاف
ولو
في
ذكرى
مش .... ولابُد
نمحيها
وننساها
ولا من شاااف
وتبقي
الدنيا
وَرد ..... وفل
وميصبهاش
يا قلبي جفاف
ولا
تشيلي
ياعمرى .. الهم
ياما
مَرت
ليالي .. عجاف
ورَاح
ترجع .. ليالينا
ولا
كأنه
أصابها جفاف
ومتهيئالي
حاساني وعارفاني
وكلامي
جَد
مش إستعطاف
خَلاص
أنا
قُلت ماعندى
قوليلي
آآمن
ليكي وإلا أخاف
وهستني
كلام منكِ
وأشوف العدل والإنصاف ..!!!
بقلمي
الشاعر / حمدي توفيق
(( الأستاذ المصرى ))
سجال عن البلياتشو ........ الشاعر / فرج السقا
سجال عن البلياتشو
لا ضهر لي وﻻ جاه
والكل ضحكولي
تعرفش ايه جواه
لو عرفو يبكولي
بلياتشو سيرك الحياه
ﻻبس قناع و.وشوش
العدل في الدنيا تاه
حتي الوفا مغشوش
فرج السقا
سندي ومالي سند
والكل حسدوني
منين أجيب الأمل
والدمع في عيوني
صفاء الخواجه
علي الاله معتمد
مهما تعاندوني
قلب الخﻻيق جمد
وبفقري عايروني
فرج السقا
بلياتشو دي مهنتي
واضحه ومكشوفه
الواني مع ضحكتي
للخلق..... مألوفه
بتمشو لي ف سكتي
وتغيرو ...الا وشاش
نفاقكو فاق مهنتي
ياشلة الاوباش
فرج السقا
اراجوز ويلياتشو
تعا اسمعو نتشو
قيمه وسيما صحيح
وبشكله بيغرك
لكن وشوشه كتير
وبسمه بيضرك
هيئه وكرسي كبيييير
استاذ واسظي خبير
في الكدب له تفاسير
لكنه في التقرير
اراجوز وبلياتشو
فرج السقا
شفت التعلب ..... الشاعر / رضا أبو شنب
(التعلب فات)
شفت بعيني التعلب فات
كان بيلف ما بين لاخوات
يطلع منده يروح للتاني
أو يتعشي معاه ويبات
تسمع منه كلام واغاني
يعمل طيب وابن ذوات
خلي الدنيا معاه بتعاني
خلي الكون مليان اشاعات
خلي السيد يضرب هاني
والاتنين صبحوا اموات
لما تقوله ومين الجاني
يعمل فيها الشيخ بركات
هو السيد أصله اناني
زي ما هاني بتاع حركات
واحد كان بيحب التاني
اما التاني بتاع عضلات
باع الود اوام في ثواني
كل الحب ما بينهم مات
لما التعلب اكل الضاني
مدوا أيديهم بالسلامات
شفت بعيني وكان قدامي
لما التعلب عدي و فات
لَما التعلب عدي و فات
خلي خميسهم يبقى تلات
خلي النوم بيخاصم عينهم
خلي نهارهم يبقي ساعات
فرق بينهم خلي ضميرهم
زي الحب ما بينهم مات
كان بيصلي ويعمل منهم
كان بيزود في الكرامات
ربي عيالهم من منازلهم
والرجالة بقت** ستات
والستات بقي مين يحكمهم
بعد ما عم السيد مات
لبسوا الموضة وقلعوا هدومهم
عاملين فيها من الخواجات
باعو وطنهم كفروا بدينهم
لَما التعلب بينهم فات
ربنا واحد واحنا اخوات
ليه بنغالط في الحسابات
ليه بندخل حد ما بينا
واللي بنصبج فيه بنبات
ليه ياغراب جاي تعلمنا
ازاي نبقى من الاموات
وازاي ندفن كل ما بينا
علشان واحدة من الستات
علشان واحد يعمل عمدة
أو يعمل في البحر مغات
امتي هيرجع لينا ضميرنا
أو يقولنا التعلب مات
أو يقولنا التعلب مات
هـات اللى عـندك يا زمـن ....... الشاعر / ابراهيم شيمر الجندى
هـات اللى عـندك يا زمــــن
وحـــط عـــــــلى راســــــي
عشــت حــياتى مـحــــــــن
وكـاتـــــــم لأنـفــــــــــاسي
يارب أعِـنا على الــقــاسي
وكمــان على الــنـــاســـي
انا نـفسى أفـــرح يـــــــوم
واشوف الحـزن لينا ناسِي
واشعـر بـحـــب الــنــــاس
واشـرح لـهـــم إحـسَاسِي
فــــــرح وحــب يـــــــدوم
لأهلى وحـبـــايبى وناسي
ابراهيم شيمر الجندى
كان لازم .......... للشاعر / جمال رمضان Gamal Roy
( كان لازم )
يا ريتني كنت سمعت كلام الناس
لما قالولي بلاش تشرب من الكاس
كدبتهم كلهم وقلت لازم احبك
وغصب عني جريت عليك وخلاص
غلطة مني كان لازم أداري وأخبي
ما كانش لازم أتلخبط وإنت جنبي
ما كنتش أعرف إنك إنت كده
إنت صح والغلط كان غلط قلبي
ما كانش لازم أحسسك بجمال عنيك
كنت بحاول لكن مقدرتش أتقل عليك
بقول لنفسي كلام وأرجع فيه
بتكدب عليا وأنا اللي أتحايل عليك
كان لازم أغمض عيني وأنا وياك
علشان عيوني بتفضحني في هواك
بنسى روحي وبنسى جروحي
وأفتكر لحظة أعيشها وأنا معاك
الشاعر
( جمال رمضان )
حبيبي يا رسول الله .. الشاعرة / الهام شحاته
حبيبي يا رسول الله
شوفته جاني في المنام
محمد خير الانام
قالي قوم صلي واذكر الاله
صلي الله عليه وسلم وسلم
لما دخل جون الغار
عشش عليه الحمام
اين ياصاحبي خايف من لئم الائام
كيف تخف وان الله لاينام
صلي الله علي حبيبي
صلي الله عليه وسلم
هو سمي بالامين
خير البشر اجمعين
هو نور خير البريه
صلوا علبه ياموحدين
محمدنبينا
رسول المحبه
رسول السلام
شفيع لأامته
ومسك الختام
صلي الله علي حبيبي
صلي الله عليه وسلم
بقلم
الهام شحاته سالم
الأحد، 29 نوفمبر 2020
مشتاقة ليّا ....... الشاعرة / ريم صلاح
مشتاقه ليّا
.............
قد إيه مشتاقه ليّا
لابتسامتي
ولطريقتي
ولحروفي
قد إيه مشتاقه فعلا
للقلم لحظة ما يحضن
فرحتي أو يمحي خوفي
كان مصاحب روحي دايما
كان بيقرا جميع حالاتي
وانفعالاتي وظروفي
يجري يتمشّى ف وريدي
ثم يرجع
ع الورق بالحب يطبع
كل حاجه هناك عرفها
كل شئ من غير ما ينسى
أي حاجه بعينه شافها
عدسه زوم قلبه المشاكس
كان بيلقط بيها منظر
قلمي كان ع الوصف أقدر
النهارده شهر واكتر
حبرقلمي عليّا عاصي
قلمي أصبح فجأه قاسي
أو ياجوز واقع ف حيره
زي حيرتي
أصله شايف صوره تانيه
ف انعكاس إحساس مرايتي
صوره تشبه أي حاجة
إلا صورتي
حتى قالها بدون مبالغه
ربما ف الشكل إنتي
بس ف المعنى اختلاف
إنتي كنتي الورد طارح
واللي باين عود بيدبل
أو مسلّم للجفاف
كل شئ جوايا خاف
من خريف طعم النهايه
دارت الأفكار معايا
والدموع نطت ف عيني
ليه يا دنيا بتكسريني
دا اللي كان بينِك وبيني
انعكاس معنى السعاده
النهارده بالبلاده
غارزه ناب الحزن فيّا
قد إيه
مشتاقه ليّا
.........
الشاعرة / ريم صلاح
الجمعة، 27 نوفمبر 2020
ذكريات ....... بقلم / يحيى إبراهيم
فاكره يابت لما
كنا لسه صغار
وقلوبنا زي الطير
وفروعها لسه خضار
نسابق الاحلام
ولا فكرنا يحتار
كنا بزمان الرضي
ما نمل م الاسفار
نكتب قصايد غزل
نتسمع الاشعار
راضيين بلقمتنا
نفرح بهدمتنا
ف القاعه لمتنا
في حضره السمار
في عز قوتنا
تعجبنا شقاوتنا
وغ الغيطان نجري
ونسابق المجرى
ع التوته والساقيه
الذكري اهي باقيه
وعمار ياريفنا عمار
كبر القليب حبه
وحبه ورا حبه
الشبر صار شابه
وقادت بقلبه النار
والحب جمعنا
زانت مجامعنا
والفاتحه في جامعنا
والشبكه جوه الدار
خمسين سنه ياخال
وغنوتي الموال
انسج لها شالها
واغني موالها
ولما ضهري انحني
وجه زمان الضنا
صبحت كما السوسنه
عاشق ومغرم انا
واكتب لها اشعار
الطفولة .... بقلم / أحمد السبكي
(الطفولة)
‘‘‘‘‘‘‘‘‘‘‘‘‘‘‘
أحلي حاجه في الطفولة
البراءه والحنان
تلقي صوت الطفل جنبك
زي تغريد الحمام
ضحكته حلوه ولطيفه
والبكا تلقاه امان
صوته صوت بلبل بينشد
وجهه كالبدر التمام
لما يحي عليك بيزحف
قول علي الدنيا السلام
تلقي نظرة عينه حلوه
وانت فرحان بيه كمان
والطفوله احلي فتره
بس نبدأها بامان
ربي ابنك ع. الصراحه
والامانه والسلام
لما يكبر بكره يعرف
ان ابوه رباه تمام
(احمد السبكي)
مصر
خواطر خاطفة .... بقلم / محمد فهمي
خواطر خاطفة
العمر
العمر كان مشوار
لحد ٱخر الحلم
وفجاة عدى وطار
وقّع بقى بالعلم
الصبر
الصبر قالوا دوا
انظر الى ايوب
وعلى فعالهم صبر
نال الرضا يعقوب
العلم
يا مأمورين بالعلم
لو كان مكانه الصين
ليه غرقانين فى الجهل
يا مخلقوين من طين
حاسب نفسك ..... .. بقلم / مصباح أبو حماد
حاسب نفسك
حاسب نفسك كل يوم
قبل ما تغرق بقى ف النوم
شوف ماليك،واللى عليك
وان كنت ظالم ،او مظلوم
قبل ماييجى يوم وتلاقي
مايشفع ليك عتاب او لوم
،،،،،،،،،،،،،،،،،،،،،،،
لسه ياصاحبى فرصة معاك
وانت بصحة تنام وتقوم
ماهي دنيانا دار العمل
ودار الآخرة حساب معلوم
مهما تشقى فيها وتتعب
مش هاتنول غير المقسوم
خلّى المبدأ فيها الرضا
اسعي وخلى الحب يدوم
حب الخير ولكل الناس
ف بحر خيرك الكل يعوم
حب لغيرك،ماتحبه لنفسك
فهذا قول رسول كريم
افرد جناحك غطى العالم
وضَوِّى سماه بقمر ونجوم
وابدر ارضه تقاوى محبة
خلى حصادها يزيح لِهْمُوم
خليك بلسم ودوا لِجروح
خليك لسان حق المظلوم
خليك بسمة تسعد قُليب
مهموم من الحنان محروم
ونظرة رضا لقلب كسير
عايش وحده سنين بالكوم
أُنشر سلام في كل العالم
تبني صروح محبة تدوم
،،،،،،،،،،،،،،،،،،،،،،،،،
واوعاك مرة تظلم نفسك
. ولهواها تسلم تسليم
يبقي ف طريق الغىّ مشيت.
وف النهاية على مين ها تلوم
واللا ف مرة تظلم غيرك
فالله.. الله..لدعوة مظلوم
،،،،،،،،،،،،،،،،،،،،،،،،،،،
اهلك .من غيرهم راح تهلك
خلى وصالهم دايم دوم
بيهم تلقى كرامة وعزوة
حتى ان كنت فيهم مظلوم
سامح وخلي اجرك على الله
وآمن بعطيّة رب كريم
،،،،،،،،،،،،،،،،،،،،،،،،،،
وقلت لنفسي قبل ماأقولك
وم الخطأ انا مش معصوم
وربك هوّ الاعلم بينا
وربك هوً رؤوف ورحيم
،،،،،،،،،،،،،،،،،،،،
أنا عاشقة ...... بقلم / الهام شحاته
أرفع راسى
ف قلب الريح
ولا هانحنى والقلب جريح
لا يهمنى ظلمك وقساوتك
ولا هارجع لك
تانى أسير
ليه أقول
اّه من جوه القلب
وكل الناس
بتقول الله
مش هااستسلم
ولا راح اسلم
هاافضل أقول
واحكى واتكلم
وانت هاتسمع ..
راح تسمعنى
حتى ولو كان ردك
يوجعنى
هاسمع منك كل كلامك
أنا دلوقتى
بقيت أوهامك ؟!
بعد ماكنت
جميل أحلامك
بس الغلطة دى
غلطة قلبى
اللى ادى لك شوقى وحبى
لما ياّمنك
وانت تخونه
*****
( 2 )
أنا كان منايا محبتك
والوصل يجمع فى القلوب
والوقتى بتبيع فى الوداد
وبتنسى شوقى لقعدتك
ايه اللى حاصل ياهوى
وجرى لنا ايه
والفكر دايما فى الفراق
والبعد ليه ؟!
بس القساوة اتجمعت جوه القلوب
هابعد انا
وانسى الهوى
هاكره خطاويك
نظرتك
لمسة ايديك
هاكره كمان كل الحنان
لو من عنيك
ولا عدت تانى هااعشقك
وارجع اليك
****
( 3 )
غصب عنى
مش بايدى
هانسى حبك
مهما كان
دم ف وريدى
بس مهما انساك وابعد
بالقى حبك
جوه قلبى
أصل قربك
مش بايدى
...............
للشاعرة/ الهام شحاتة سالم
من ديوان ( أنا عاشقة )
الاشتراك في:
الرسائل (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري... -
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
معنى كلمة الله 🥀 🥀 🥀 🥀 🥀 🥀 🥀 🥀 🥀 إسبانيه تشرح معني كلمة ( الله ) بعد أن عجز عنها العرب ... هذه الفتاة الإسب...
