جوايا رافضنى ..!!
.............
خلاخيل نهارى ممددة فى عيونى ..
سحبانى جوايا بصرخة روح ..
قافل على نفسى جوايا فى همومى
يا هلترا .. الصبح اللى طل وجى
من غير دموع ولا حزن
تشرب عنيا من الندى فى الصبح ..
بخاف اطل وابص جوايا ..
من صرخة جوايا وقت انتباه الجد
تلمس حوافى الليل فى بحر المد
تحدفنى امواج الشطوط براها
رمل البحور النايمة دفيانة
اشوفها نشوانه فى احضان النهار
وبخاف عليها الا تجرحنى ..
وبخاف على نفسى الا تلمحنى
اشوفها غرقانة خجل ودموع
تبات نجوم السماء فى حضن احلامى
على صوت بيصرخ جوه انفاسى
يتشد منى نبض إحساسى ..
اتوه ما بين الأمنية والهزل
أنا مش باعيش علشان أموت م الخوف
لكن باخاف وقت انفطام الجد
مرعوشه جوايا العيون بتشوف
جوايا هربانه الدموع م الخد
نص اللى عدى منى وأنا مكسوف
ونص تانى .. رافض يبان على حد !!
.................
شعر
حسن السحماوى
ليست هناك تعليقات:
إرسال تعليق