أغنية شعبية
دنيا فيها العبر
دنيا فيها العبر
اللي ف عشة وع الرصيف طريح
ياااما عليكي صبر
بيلف فيكي سريح
دنيا جذابة وغشاشة
بتعيشي الغني في لزازة
بتوهيه في شاشة
واخرتها بيتلف في شاشة
ومن العجب والعبر
بيتساوي بالسريح
الطيب فيكي جريح
عشان فيكي صريح
مش واخد ركوب الريح
واخرتها يسكن ضريح
ومن العجب والعبر
كان ماشي فيها سريح
واللي عملته برواز
مداري ورا القزاز
قال ايه راجل انجاز
في الأصل كان جزاز
ومن العجب والعبر
عامل فيها نصيح
بقلم محمد مصطفى الفلو
ليست هناك تعليقات:
إرسال تعليق