((( خليك مع الله )))
_______________________
عارف فوق التراب ملوك وممالك
واللي تحت التراب الله بيه عالم
اللي جمع المال وخد بقوه الحياه
نسي طريق الاله مفكر المال دايم
مسألش فين قارون ولافين فرعون
النمرود الرشيد هارون هتلر ونابليون
وغيرهم كتير فين أبائك فين أجدادك
روح زور القبور و شوف نهاية الحياه
تحت التراب ياما فيه جبابره ومساكين
لو كان نفع المال مكنش مات آه قارون
ولو السر ف القوه مكنش مات النمرود
لا فاتك ابوك وجدك هتقول ايه لاحفادك
متسبش روحك على كيفها ارجع بها لله
يا إبن أدم عيش عمرك في ذكر و طاعه
وخشوع لربك وناجيه الذنب لك يغفر لك
ارضي بقدره وقضاه واشكره بلي قسملك
في الشده والبلاء والغلا والوبا من لك سواه
رب البأس يذهب البأس برحمته ينزل شفاه
ارمي الدنيا من وراك روح للي خلقك وسواك
يصلح قلبك ودنيك يحسن أعمالك والخاتمه
لو ملت يوم للهوى جري ذكره على لسانك
وتوب توبه نصيحه تلقا حسن مقامك الجنه
فلاحك في دينك بحر خير مين عاطي سواه
وحده رحمن رحيم عفو كريم رزاق حليم الإله
تأملات
مجدي فرحات
ليست هناك تعليقات:
إرسال تعليق