أسرار العشق الصوفي
مش راح اقول لك ع الأسرار
وطريقنا المليان أنوار
واللي يدوقها ح يعرف إنه
داق الحب وخش الدار
والعشاق ملهمش يقولوا
واللي بيكشف سر وصوله
يبقي بيفضح حاله بايده
والأحباب معدوش ح يجوله
سرك صونه يدوم الحب
والزم وردك جوة القلب
واذكر ربك ليل ونهار
والستار ح يفك الكرب
وارمي حمولك ع الخلاق
واما تزيد بيك الأشواق
صلي وسلم ع المختار
هو الدوا هوا الترياق
وابقي ادعي لي تمللي معاك
واما ح توصل للشباك
شاهد سرالحب وقول
امتي حبيبي اشوفه هناك.
مع أطيب تحياتي
البدري زايد
عضو اتحاد كتاب مصر
عضو رابطة الزجالين وكتاب الاغاني
ليست هناك تعليقات:
إرسال تعليق