ياريتنى ياريت
-------
إمتى يبان الضى
وتشوف ضنا نوحى
انا جرحى مالو زى
قلبى على روحى
--
عرق الود وقطعته
ولا همك ولا اتهزيت
جنين الحب ضيعته
دلوقتى ياريتنى ياريت
---
ولا شوفتك ولاعرفتك
ولا أتخضيت
وانا باحضن حيطان البيت
وانت هناك بعيد عنى
وسارق مهجتى منى
وساكن قلبى والننى
ياريتنى ياريت
--
ولا خبط ف يوم بابى
بقلبى جريت
ولا قولتش لاصحابى
ولا اتجنيت
زرعت الورد والحنه
سقيته ميه م الجنه
ويوم ما قولت اتهنى
بشوكه قاسيت
وقلت لنفسى انا وحدى
ياريتنى ياريت
----
ولا قالولى اصحابى
كلام عنك
قالت تفسى دا منابى
وانا منك
زرعت الأرض حنيه
اتارى الأرض مرويه
عطش وحنين
وانا اللى روحى محنيه
ف قلبى انين
ومين قال ان قلب البور
يطلع ود
ومين قال ان ضى النور
يخبى حد
ف خبيتك وداريتك وحبيتك
وجانى رد
ف قولت لنفسى انا وحدى
ياريتنى ياريت
ليست هناك تعليقات:
إرسال تعليق