اصل الدنيا حالها بيتعب
ويخليك دايما بتفكر
وان الناس دايما مختلفه
بس انت عليهم تصبر
وتدعى ربك دايما قوله
ربى تعنى علشان اقدر
خلى حياتك بسيطه وسهله
وكل شئ مكتوب متقدر
احلف انى بكون معترضه
وبنبه دايما واتزمر
واقول نراعى دايما اخواتنا
ليه دايما على طول نتوتر
اى كلام محتاج تقوله
لو صدق راح يوصل اكتر
والبوستات الفاسقه بلاها
الغيها وبلاش تتمنظر
مهما اقول عن حالى واتكلم
قبل مااقول واتكلم افكر
خلى كلامى دايما بنصيحه
لكل مين يقرأ ويفسر
مش مجرد اى كلام اقوله
واكتب صفحات منه واسطر
لازم يكون فى كلامى حكمه
يتعلم منها الكل ويقدر
يالا تعالى انت وهى
خلى كلامنا معناه متفسر
اصل الكلمه دى هى امانه
راح يسألنى ربى وافكر
قبل ما اقول او حتى اتكلم
اخلى كلامى ده شهد مكرر
واللى يسمع منى كلام
يحلف انه اتعلم اكتر
خلى كلامك يبقى رساله
فيها المثل والقدوه دى اكتر
هو لسانك ان صنته صانك
وكلامك لو حلو اتسطر
راوية حسن
ليست هناك تعليقات:
إرسال تعليق