غمض عنيك..........للشاعر / السيد ابو طاحون

غمض عنيك 

*********

غمض عنيك

وارسمني

في صورة الفرح

قلب

وسهمك

جه في قلبه انشرح

ولما شاف

اللي ف عيونك

مسك القصيده

وقام شرح

والمسك جود

واقترح نتوضى

في بحر المرح

غمض عنيك

رجعنا لايام الصبا

نظرة عنيك

لمسة ايديك

والقلب بيدق

دقات مرعبه

وملهلبه

تتقطع الأنفاس

واحنا حاضنين حلمنا

جوه الجنينه

في بداية الموهبه

غمض عنيك

رجعنا لأيام

الجمال

والقلب دايب

م الدلال

ورج أوتاد

الجبال

دا مش خيال

افتح عنيك

وحياة عنيك

بلاش سفر

وبأعلى صوت

من فوق جبل

اصرخ :

بحبك

يا شط الحقيقه

و بستان الامل

كل الكنوز

ما تساوى

نظره

من عنيك

خلينا نبدأ من جديد

ما تقلش

جايز .. محتمل

وقول اكيد

وحياة عنيك

بلاش سفر

*********

#غمض_عنيك

#السيدابوطاحون

الملوك والعبيد .... للشاعر / سعيد عزب

ليس كل من يقطن القصور.. ملوكا

وليس كل من يسكن الكهوف ..عبيدا

فكم من ملوك طابت لهم ..عيش الكهوف

وكم من عبيد ضاقت من .. أنفاسها القصور

فالملوك ملوك .....ولو سكنوا الكهوف

والعبيد عبيد ...ولو سكنوا القصور

يتوق العبد شوقا لسوط سيده

ويأبى الحر إلا أن يكون عزيزا

فالحر يسكنه الإباء فخورا

والعبد يسكنه السفور فجورا

فكن ابيا ولو عشت يوما

ولا تعش ذلا ولو دهورا

..............

للشاعر / سعيد عزب

Saeed Azab

وقالهالي .......... للشاعرة / مشيرة النقيب

💚 وقالهالي💚

  ******

ياما اتمنيت يقولهالي

وقالها بصوت

ضعيف مكبوت

واجهني وقال انا عاشق

بحبك آه بحبك موت

ياروحي ياعمري وأمالي

بحبك طول ماليا حياه

وإنتي لقلبي كل مناه

واني كل مااتمناه

بينسى معايا معنى الآه

بيعشق كل أحوالي

سرح قلبي مع كلامه

وكنت كطفلة قدامه

كانت حلوة

سمعها قلبي ١٠٠ غنوة

وكنت اتمنى أقولهاله

لكن ضاعت في بحر الناس

ودا مبدا ودا واقع

وقلبي لو يكون حساس

لابد يكون هناك مانع

لازم يصبر

ولازم عالبعاد يقدر

يكون عايش بدون إحساس

ودا حالي

سواء كان الفؤاد بيحب

أو خالي

مكانتي تقولي وانا مالي

ودا حالي

وقالهالي

بقلمي

مشيرة النقيب

بيعدوا علينا القرش ..... للشاعر / ايهاب السقا

وبيعِدّوا علينا القرش

ناس مريضه،،مش سهلة

عيون بصاصه ،،،،وما بتسيبش

حد ف حاله على فكرة

ناس حاقده ،،،،ومبتلعبش

وشوش تملى تكون عِكره

دى باصه للعصفور ف العِش

دى ناس ملاعين،،،دى نَكِره

حياتهم صعبه،،،،ومبتتعَش

صعب عليهم يكون،،،بُكره

بتتمسكن،،،،مبتغلبش

مفيش صراحه،،مش شاكره

تولع نار،،،تقيد ف القش

والله بُكره ،،،يكون ذكرى

وتتقابل الوشوش ف الوش

بدون ألاعيب،،مفيش واسطه

مفيش أحقاد،،،بلاها الغش

،،،،،،إيهاب السقا،،،،،،

يا مراكبي ..... للشاعرة / فيفي الجندي

يا مراكبي موجك بيعلي

والدنيا معاك حلوة تملي

والشط بيرقص مع خلي

والورد يصبح ويغني

والسمك اهو صابح فرحان

والدنيا معاه كده بالألوان

والطعم بيقولي إستني

وانا قلبي بشوق قالي جنان

يامراكبي ايه حكايتك ويايا

انا عايشه معاك احلي حكاية

وحروفها بترسم جوايا

قصة عشق في كل مكان

يامراكبي استني شويه

وديني علي شط حبيبي

مستني علي الناحيه التانيه

ومشاعره بتقول ماتغيبي

هاياخدني معاه في معدية

ويوديني لشط حنان

نركب والبحر مع الموجه

بيغنوا علشانا اغاني

وعينه لعنيه في صورة

وعيونه بتقول وحشاني

وانت واحشني كمان وكمان

والسمك اللي بيسمع لينا

اتنطط علي صوت غناوينا

والبلطي بيحوم حوالينا

وكأنه للشوق عطشان

والشعب وياالمرجان

خدونا علي شط أمان

وقمرنا ونجوم ليالينا

من فرحته بينور لينا

علشان حبنا في السما بان

الفرح جاى ......... للشاعر / عادل عوف

الفرح جاى فما تقلقوش

ولا تشتكوا م الإنتظار

طول عمره كان بالشكل دا

بيجي نهار

ويغيب نهار

بيسيب مساحه للوجع

و الحزن ياخد حصته

غاوي الهزار

كيفه الدلع

وبيشكي سنه وصحته

فماتقلقوش

وان عدة وانت ماشوفتهوش

العيب عليك

انت وعينيك

اما الفرح مالهوش عيوب

في كل مجلس له مكان

د الوقت او كان من زمان

انا شوفته مره وكان ملان

داخل منشن علي القلوب

فماتقلقوش

الفرح جاي هيروح منين

مالهوش طريق غير من هنا

تملى بيمشي علي اليمين

ساند علي كتف الهنا

لَابس عبايته ومنتشى

لا همة دا ولا كل إشى

عمره ماخاف ولابختشى

غير م العشم او م المُنى

فماتقلقوش

#عفويات

#عادل______عوف

قلب بخيل ..... للشاعر / عاطف كمال

(قلب بخيل)

👦👦👦

قلب بخيل

لا يعرف حب

ولا بيحب

ولو بيحب

بيبقي لنفسه مش للغير

وساعه الحب

بينسي الحب

ولما تسيبه

ليه بيغير

دانا لما بحب

اخلي القلب كبير وكبير

واخلي الصخر

يفجر نهر

ويبقي السر جوه البير

واتوه من الاه

واعيش وياه

ولا أنساه

ولو بيغيب أطب واغير

كريم في الحب

وعمري ما احب

حبيب الغير

وتسال مين هواه بيطير

أقول بالصوت وعلو الصوت

قلب بخيل

ولا يحافظ على حبه

ولا يعرف يصون قلبه

ولو راح الحبيب منه

ولغيره حب يجن يغير

ما هوه بخيل

لا هو بيحب

ولا عايز يكون مره

لحبه أسير

ء ءءءءءءء

عاطف كمال

شاعر هواره

تفتنني ...... للشاعرة الفنانة / بوحات أمل

تفتنني  .....

وتقول لي  

كم غروري من هواك يذبحني

يجر سيلاً تدفق من ثناياها شوقاً لك يعشقني

لا يتركني ليلاً و لا يحرمني منك نهاراً يبقني

تسلل من ثغري واسلمت له احاسيس تبعثرني

بين اهات ارواحنا هيامها عينيك و مهجتها تألمي

تجوب بي من الليل لظها أحلامنا حديثها خيالي

تفتنني هلوسات من الغرام و سحرها كتابات

..............

عمر حبية... بوحات امل ... Omar Hebbieh..

ترميم الذات .... بقلم / نظرة أمل

امنح نفسك بقايا ترميم لذاتك

كفى لنفسك خرابًا ودمارًا لروحك

ينجلى صدء الوجع إن عزمت

فبيدك مغاليق اليأس والحزن

قدم قرابين الولاء للأمل الجميل

تضرع بخشية بثقتك لربك

اخنق بيدك كل منغصات الحياة

عش بذاتك لذاتك

غاوى الغناوى ... للشاعر / رضا حسب النبي

غاوى الغناوى

إلحق إبنك ياعم غاوى

الناس بتقول دا غاوى الغناوى

ولد ياحسن إنت فعلا غاوى الغناوى

يابا شوف شاكوش من غنوه واحده بقى مليونير

وليل ونهار عايش على العاكاوى والمشاوى

ولا حمو ولا بيكا عملو دوشه فى المزيكا

وزيى ما إنت شايف مافيش شغل والخريجين

فى منهم قاعدين على الكافيهات والقهاوى

دا مهندس ودا أستاذ ودا دكتور بتاع كلاوى

وبقينا فى زمن مليان بلاوى

وإللى معاه فلوس يساوى

بقلم / رضا محمد حسب النبى

وأيه راح تداوى العيون .......... للشاعرة / رويدا المحمدي

.....  وأيه راح تداوى العيون  .....

القلب ولا جفاف الغصون

رفعت الراية وسلمت لا شئ مضمون

كل المعازف أوتار وهناك راقصون

........ ....... ........ .....

رضيت أو ما رضيت مقدر ومرسوم

أهات زهقت منى والفرح معدوم

كل الطرق عذاب أشواك ..وليلى غيوم

....... ...... ........ ......

وبكيت حتى البكى منى مل

وياريت لحالى لقيت حل

وادى العمر عدى من جنبى وفل

....... ....... ...... ....

لا تقول ساعات وتمر انا ظهرى انحنى

وشربت العذاب وخاب منى الضنى

طلبت الصبر صبرين لأجل يشد الولد

والبنت مع اختها يوصلوا لظهر وسند

....... ...... ....... ......

ويقولوا فى حقى كلام زين

ما هو الصعايدة يحبوا الوتد

وانا قدام الكل شايلة فى قلبى سنين

ووقت الجد مالقيت غير دمع العين

....... ....... ...... .....

أهلين واه يا عمر سقانى مر

مش عاوزة طبطبة ولا نظرة تهد الحيل

انا صابرة . ورب الكون عن حالى لا نايم ولا غفلان

سلمت أمرى وشكيت لربى ورحمة فوق كل ظن

.....رويدا المحمدى....

يُحكى أنَّ ..! ....... للشاعر/ حسن السحماوي

يُحكى أنَّ ..!

طول ما فينا .. الزيف يزوف ..

والمعانى تايهه منا ..

وأما بتوه الحروف ..

جوه منا ..

أما يتملكنا .. خوف

والكلام محبوس فى جوفنا ..

لما غاب الحق عنا

والضمير .. تايه .. مابينا

بس عايش لجل ... إنا .. !

ربما حايكون زمنا .. مش زمنا

يُحكى أنَا ..

صوت صهيل الخيل

بيفرك فى المفارق ..

واللى غرب .. واللى شارق

واللى حس بالمزانق ..

قالوا .... .مات ..!

فى الحقيقة ..

عمر صوت الحق ما يموت ..

من سُكات ..!

............شعر ..

حسن السحماوى ..

عاشق ... للشاعر / محمد الراوي

عاشق نن عيونك لما بحبك يلمع

عاشق نبضك قلبك لما لحسي بيسمع

عاشق روحك لما تجيني تقابل روحي

وتحضني عشقي وتسكني فيه

والقي ضلوعك بتداوي فيا كل جروحي

وتحضن روحي

ما الأقيش فيا آلام

وجراح وعذاب وآنين

وحاجات توجع

عاشقك يا عصفور لبلادي

هاجر لقلبي ومش راح يرجع

عاشقك يا حب مجنون

مشتاق لإنه يعيش لي زمانه

وحالف أنه ما يوم هيودع

عاشق لكن عشقي زي ما فيه الفرح بيفرح

لسه عيونه ليه بتدمع

أوقات أحس أن أنا محتاج

أهديلك عمري ويبقي فى عمري

لسه سنين أنا أحبك فيها

عشقي لحبك دايما محتاج منك أكتر

فى شفايفك أنهار

والجنة مفيش إنسان منها بيشبع

عاشق

وليه دايما ........ للشاعر / مصطفى عبد النبى

وليه دايما تسيئي الظن بكلامي

وليه برضه تمشى عكس أيامي

ولما تزرعى عايزه الطرح فى ثواني

وانا دايما بصبر لحد ما يجى أواني

شوفى.... حقولك

سوء الظن بيبنى دايما فى العلاقه جدار

وعكس اتجاة الريح بيولد فى السكه شرار

والحصاد قبل الأوان بيبقى طعمه مرار

فهدى جدار وطفى شرار وبلاها مرار

وبلاش يا حبيبتى تبنى مابينا أيها أسوار

...............................

للشاعر / مصطفى عبد النبى

 Mostafa Abd Elnaby

يا عينى انسي البكا ...... للشاعر / عاطف صلاح

يا عينى انسي البكا

دَمّع العيون غالي

الصبر مني اشتكا

من صبري علي حالي

أشكي لمين بلوتي

والكل عزالي

بعد فراق الحبايب

معدش شئ غالي

طير السما ف السما

صِعِب عليه حالي

لما لمح دمعتي

ع الخد بتلالي

قالي اللي باع يتباع

برخيص مش غالي

خساره فيه دَمّعِتَكْ

د دمع العيون غالي

{أنا من أكون} ........... للشاعر/ رفعت أبوكريّم

بعنوان {أنا من أكون}

*****************

أنا صريعكِ فى الهوى

قد دقّ ناقوس الخطر

أنا احترقت من الجوى

قد تهت فى بحر الفِكر

أنا كالورود الباكية

تارةً تداعبنى الرياح

وتارةً يصفعنى المطر

أنا كالكمان المنكســـــر

آلمنى شدّ الوتـــــــــــر

أنا كالضمير المستتـــــر

ومثل النقش على الحجر

أنا من بكتنى شقاوتى

وأرّقنى طول السهـــر

أنا من فقدت نضارتى

بكتنى الزهور على الشجر

أنا من ركبت سفينتـــى

غرقت فى بحـــر الدّرر

أنا من ثكلت سكينتــــــى

ولم أعِ درس القـــــدر

****************

رفعت أبوكريّم (شاعر الصعيد)