بنت قلبى ..... للشاعر / حسن السحماوي

بنت قلبى ..

عودونى عنيكى ماعرفش الفراق

عودونى ماغبش عنك ..

وابقى دايما ف اشتياق

اصل أول مابتديت اعرف ملامحك ..

من عيونك لما شوفتك قلبى حسك ..

من حنايا الروح فى همساتك ورسمك ..

ضحكتك بتهز فى الدنيا ابتسامتك ..

رقتك من نسيم الروح لروحى ..

جوه بوحك حرف بيحدد حروفى

من عبير الورد على نبضات خدودك ..

لما تبقى جنبى منى .. بلتقى روحك معايا ..

اشتياقك نبض قلبى .. يحكى عنك مية حكاية ..

وانت غايبة الليل بيسأل قصة محتاجة لرواية ..

السما بتخبى روحها والنجوم بتعيش ااسايا ..

والنهار يسرق فى نفسه والامل باعتر خطايا ..

وأنت صورتك جوه منى .. حس متمكن هوايا ..

بحر موجك شط راسى ع المراسى وبرضايا ..

عارفه ليه انا قلبى حبك .. بنت قلبى ..

.............. شعر ..

فارس الكلمة .. حسن السحماوى