مفتتح قصيدة ..
"خروف العيد".
شعر : حسن عمران
آمين يامصري العيد عيدك.. ويارب أرزق ف عبيدك.. بكره الخروف يجي يزيدك.. ف الحمة والراس والليه.. تقعد تأنتخ وتنادي.. الفته فين ياسي بغدادي؟! ماتيلا هموا ياولادي.. خلاص فرشت الطبلية.. خدي حته ياللا يانفوسه.. وقبل اما تاكلي أديها بوسة.. دي الحمة من غيرها ف حوسه.. وتبات بطون أورديحيه.. خروف العيد..
القصيدة..
أقترب العيد ياسي برهاني.. وكل عام وانت ف تاني.. أكل خروفك كاليماري .. وطمنه قلبك حاني..!!.. وقول له جايبك للزينه.. مش ح ادبحك دانت أخينا.. يابو ليه حلوه وسمينه.. وإن شالله أجوع أنا وأعاني..!!.. ياخروف دانا بيك بتفائل.. وكل م بيسأل سائل.. أقوله طلبه الواد وائل.. وح يركبه ذي حصاني.. ماتخافش أبدا يابو فروه.. دانت جميل كلك ثروة.. وانك لاقوة ولاحوله.. وياألف مرحب حرماني.. بلاها لحمة مشوية.. وشربه طعمه ب ملوخية.. ولاحتي الفخدة دهيه.. عاوزها وبلاه الضاني.. أما العيال راحوا لخالهم.. وماجتش أبدا علي بالهم..ولما يجوا أبقي أسألهم ..
لو مش مصدق حلفاني..!! ح نجيب فراخ ولا أرانب.. ولا شوفش نظرة بتعاتب.. ف عنيك وعماله تحاسب.. ناقص تمدني وتعاقب.. لكن ح أصارحك واسمعني.. ولأقنعك أو تقنعني.. ربك أمرني وهو سامعني.. أضحي والناس بتعاني.. غلابة مش لاقين لحمة.. وراحت نفوسهم ف الزحمة.. من غير لاشفقة ولا رحمة.. بكي الخروف وبكي بحرقة.. وقال نطيع أبو خيمة زرقة.. وناكل اللحمة ومرقة..لناس وعايشة بتعاني.
خالص تحيات الشاعر والمؤلف :
حسن عمران.
ليست هناك تعليقات:
إرسال تعليق