وانتِ جنبى ....... للشاعر / حسن السحماوي

وانتِ جنبى ..

عارفه لما تغيبى عنى ..

كل شىء بيغيب معايا ..

زى مايكون غصب عنى

ينسحب منى رجايا ..

ببقى تايه جوه منى ..

والحياة تصبح مرايا

صورة مش واضحه المعالم

وقصة تبدأ بالنهاية ..

لما تبقى غايبه عنى ..

كل خطوة امشى فيها احس بيها

زى ماتكون رمله ساخنه

فى اارض ناشفه تكوى فيا

بنار اااسايا ..

بس لما تكونى جنبى .

التقى قلبى يسامحك وبرضايا

لما تتحايل على روحى منى

وقلبى يستأذن هوايا

لجل مايسامح يقولك .. يا منايا ..

عارفه لما تبقى جنبى ..

كل شىء يصبح تمام ..

السعادة والتمنى ..

حب متملك زمام ..

تبقى فرحة ومالكة منى ..

وأنت بالأنغام تمام ..

لحن حبى .. ونبض قلبى ..

لما نسهر فى انسجام ..

الأمل يبقى احتمالى ..

والنجوم تسهر تلالى ..

والقمر سهران قُبالى ..

وأنت فى الانسام حلالى

كل شىء يصبح تمام ..

................. شعر

حسن السحماوى