انتقل الى جنة العشاق
قلبى اللى دايب م الفراق
هب فية وقال لقيتها
نط منى ف قلب بيتها
ياعم يالله استنى بره
بتبيعنى دوغرى دى حيا ألله مرة
خلينا نمشى رفض بشدة
وعلى صوته بكل حدة
اتفضل انتى عن نفسى قاعد
محتاج مساعد
هجيبك انتا
يا قلبى صبرك ريح شوية
كام واحدة تعشق وتقولى هية
كام يوم وترجع هيمان بغيرها
وتقول طريقى غير خط سيرها
ولا عمر واحدة هفضل اسيرها
انا قلب عاشق بيحب يعشق
اشكال كتيرة واحاسيس يفرق
وكتير ااقولك خليك فى حالك
البحر عالى واكيد هتغرق
تقولى فكك واتبري منى
ياسيدى سيبنى وحل عنى
يا قلبى يالله رزقك على الله
ياحتة منى ليه بتعاندنى
اخر ما زهقت سيبته هناك ومشيت
#عادل_مؤمن قادم لكم.
ليست هناك تعليقات:
إرسال تعليق