وباصبر أد ما باصبر وأنا راضى
وكل حياتى ع الفاضى
أقضيها فى هم تقيل
تودينى الحياة وتشيل
سعادتى لسه مالقتها
ودنيا لما وافتها
شربت م الأسى مواويل
وحطت فى الحشا مكاييل
ولما قلت حبيتها
فاتتنى فى لحظة وقلبى عليل
يا دنيا فانية بنعانى
ح أقولك إيه كلام تانى
دا لما يتهز وجدانى
لا تهدى يوم ولا بارسى
لكن صابر فى أيامى
ورابط أنا لحزامى
ويمكن أحقق أحلامى
صبرت كتير وأنا راضى
ومحتاج أنا لزقة
تنجينى من الغرقة
ومهما يكون ما أقول لأه
مادام واعى للتفاصيل
وعقلى يكون عليا دليل
وما أقبلش بالتضليل
ح أفوت ف الصخر
مهما يميل
زمانى وأقوله
أنا الصابر لكن راضى
وبالى طويل
#بتول عبد المعز
ليست هناك تعليقات:
إرسال تعليق