قصيدة ..و..تعليقات المدمس.. يا مدمس يا حلاوة الفول.. خد لك حبة..
و بعدين قول. يامدمس يا حلاوة الفول. مسمار البطن وماتقولشي.. والله عليه بحبة طرشي.. بالحلو.. الحار.. وده فول جبار.. ويخللي صيامك ما يجوعشي.. يامدمس يا حلاوة الفول. لاتقولي كباب ولا ولا موزة.. لامؤخذه ده شئ ومالوش عوزه.. واسأل برغوت وكمان لوزه.. لو أكلوا شويه ماينسوهشي. يامدمس ياحلاوة الفول. فرعوني وده الهرم الرابع.. لو كلته يشدك للسابع.. ماتجرب اهوه ومافيش مانع.. والزيت من عندي وبلوهشي. يامدمس ياحلاوة الفول. لاطبيخ ولا سمنه ولا مقارفة.. ده عشان تطبخ ح تعوز سلفة!!.. اللحمه بكام شوفلك صرفه.. وانا جاهز.. ليه مابتأمرشي يامدمس ياحلاوة الفول. طول عمره وأفضاله علينا.. ونشيله ياناس جوه عنينا.. ده مربي ولادنا وأهالينا. ونتوه لو منه ماناكلشي !!.. يامدمس ياحلاوة الفول..
يامدمس ياحلاوة الفول.. حسن (مناديا بصوت عال) : يامتعة الغلابة يافول.. قرب . خالص تحياتي : الشاعر والمؤلف.
حسن عمران رمضان
ليست هناك تعليقات:
إرسال تعليق