أم المواهب
----------
يا بلدنا يا ام المواهب
يا للي هواكِ ف القلب دايب
مش لوحدي اللي هويتك
دا كل ناسك حبايب
****
حالفين باسمك يابلادي
لنرد غدر الأعادي
وكل حفنه في ترابك
أفديها بروحي بفؤادي
****
من زرع نيلك الأسمراني
عايش فى نعمه أنا وجيراني
وف هواكِ كتبت غنوه
كانت والله أحلي الأغاني
*****
وحلفت أحول صحاريك
فستان اخضراهديه ليكِ
يامصر الأيام الجايه
هتكون أجمل لياليكي
*****
بجهودنا وكفاح وليدك
وآثارك يابلدنا تِزِينِك
بالعلم نحقق مرادنا
وكل شعوب الدنيا تجيلك
ليست هناك تعليقات:
إرسال تعليق