(حلقات عمى المسحراتى )
،،،،،،،،،،،،،،،،،،،،،،،،،،،،،،،،،،،،،
مسحراتى أضيت حياتى
مابين سوكاتى مابين أهاتى
نفسي عزيزه عمرى ما اطاطى
إلا لأبويه وأمى وأخويه
ماشى بضميرى راضى بقليلى
با اصلى فروضى صادق عهودى
رغم المصاعب حابب وجودى
الخير طريقى والنيل صديقى
والطبله فيها سرى وحياتى
والله أعلم با إللى فى بالى
ياما ليالى أضيتها خالى
مالك ومالى يا ابو فهم عالى
خليك فى نفسك انا م المبالى
الصبح بجرى ويا إللى جارى
باليل باسحر ساعة السحارى
وأمدح نبينا عا الطبله كارى
وأوصف لغيرى جنة بضميرى
وانا لسه ماشى فى النار ياعينى
يانايم إصحى إوعى تعادينى
دا الحب رحمة والشوق كاوينى
نفسى أزور مرقد رسولى
قبل إما يومى يخلف ظنونى
وادخل لقبرى يقسم ضلوعى
إصحى ينايم واحد الدايم
رمضاااااااان كاريييييم
تن تى تن تن تن
،،،،،،،،،،،،،،،،،،،،،،،،،،،،،
بقلمى عادل دبل / 12 / رمضان / 2019
ليست هناك تعليقات:
إرسال تعليق