زمان يا بيه
=========
عونى هشام
==============
عونى هشام
==============
عارف يا بيه
كنا زمان فى الحاره
بيت بيلمنا
كان فى كبير
وقلبه بيساع الكتير
ماعمره جار على حقنا
كانت امى
يوم تعمل فطير
الكل ياكل عندنا
كنا بنطبخ
صنف واحد م الخضار
ووقت العشا
تلقى اصناف بالزياده
ف اكلنا
كنا كدا
دلوقتى فين
مش باقى
غير صوره قديمه
ف زهننا
ضعنا وضاع الخير
وتاه الحب
كان بيلمنا
كنا نروح المدرسه
بشنطه قماش
كانت البقاله بنوته
للى ماعنده كاش
كان الضمير يحكمنا
مش مربوط بشاش
كنا كنا وكان ماراحت
حتى ان اختفت
وجانا لو ... ولو ياناس
مافيها بركه
وبسببها الف عركه
وكله لو .. ولو ماجاش
ياريت يابيه نرجع زمان
ونعيش سوى فى الحاره
من غير او ... ولو
ممكن يابيه؟؟؟؟
==========
ليست هناك تعليقات:
إرسال تعليق