من غير ما اشكي م الوجع و أبوح
و دموعي تجري ع الخدود بانين
انا عايز اقولك يا الوجع ما تروح
و تسيبني حبة ما انت فيا سنين
لأ ف يوم نسيتني و لا غيبت ف يوم
و تملي واقف و ف ايديك سكاكين
ف نهاري غاوي اني إبان مهموم
و ف ليلي صاحي بين بكى و انين
يا رب قلبي و انت عالم بيه
كترت الامه مهما بأن مبسوط
بدل اهاته بالصفا و اهديه
و فك اسره و خلي موجه شطوط
بادعيك باسمه اللي بيه رحمن
و اللي لعبادك مخلصين بيجيب
خدني لبرك نفس احس امان
اغسل ذنوبي لجل جرحي يطيب
ليست هناك تعليقات:
إرسال تعليق