العبور
====
صوتنا فى زمن السكات
عشنا فى عصره ثبات
كان دراع الحق لينا
وعزنا مرفوع رايات
التاريخ بالمجد يشهد
الزعيم هو السادات
باقتدار أحد القرار
خلى خوف جوانا مات
عشره رمضان المعظم
فى الصيام قامت غارات
فى العدو تقتل تدمر
كل كبر وإرهاصات
حالفين لياخدو التار دمار
فى العدو جز وشتات
صلاح وسيد ويا حاتم
للفخار عز وقامات
دول عمادنا دول سندنا
صرح خلد ذكريات
فى العبور كانو النمور
أكلو الديابه فى الغابات
الأسود عدو الحدود
بالهمم رافعين هامات
دوس يادفعه على الزناد
خلص القهر إللى فات
حارقه خارقه إديها طلقه
ياللا وقع طيارات
دانه دوقهم مهانه
دول عرابيد الحانات
ضربه جويه قويه
زلزلت فيهم ساعات
للمشاه ألفين سلام
درع واقى وإنجازات
والشهيد فرحان ياسعده
فى الجنه طاير بجناحات
تحضنه الأرض وتفخر
مسك عنبر فى الرفات
جيش وشعب فى ملحمه
التاريخ يحكى بطولات
جيشنا ياحامى البلاد
أنت خليتنا سادات
أنت أقوى من العناد
أنت فخر لكل ذات
حيو كل الجيش ياساده
وادعو دايما للسادات
=====
بقلمى سامح توكل أبوالسبح
ليست هناك تعليقات:
إرسال تعليق