انا المجبور على صمته
و مش عارف يقول دا حرام
و راضي بكسر لكرامته
و خايف يبقى مرة إمام
عيونه تشوف ما يتكلم
فلا بيصرخ و لا بيزوم
يدوب قافل بيبان روحه
مسكن قلبه ليل مهزوم
باقول يا ربي فاض بي خلاص
مفيش ولا طاقة شايفة النور
ما عدتش لاقي اي مناص
و لا قادر اعدي السور
ف فيض يا رب على عبدك
بنظرة تخلي ليله نهار
تحس الروح جمال ودك
و تتكشف لها الأسرار
يا شافي م المرض أيوب
و ناصر بالعصي موسى
يا حافظ م اللهيب ابرام
و بالكلمة نشيت عيسى
انا العبد اللي على بابك
وقف طمعان ف رحماتك
و مستني صفا نورك
و توبة من ثني ذاتك
ليست هناك تعليقات:
إرسال تعليق