كل حاجة حلوه منك .... للشاعرة / راوية حسن

 كل حاجه حلوه منك
حتى لو حلم حلمت بيه
انا عمرى ماطلبت منك
اللى ما تقدر عليه
الكلام بينا خلاص
قلت انا كل اللى عندى
بتاخد الكلام لوحد
المفروض تاخد وتدى
ليه دايما مقسي قلبك
اصفح خلى الحب يعيش
لا فى قبلك ولا فى بعدك
أصل انت زيك مافيش
من حقى أدلل عليك
أصل انت حب عمرى
وان ماكنتش أخليك تحبنى
ماستاهلش الحب عمرى
عيش حياتك عيش براحتك
انت اللى خطفت قلبى
مش حشحت الحب منك
مانت اللى خسرت حبى
............................
للشاعرة / راوية حسن