حاربوا الفساد .... للشاعر / محمد فتحي عبد الغني

حاربوا الفساد 
_________

قالو لنا المرتب جاي بدري
علشان العيد جاي يجري
عيد وعيش وغير فلوس
عيشوا أيام بروح وردي
______
بعد العيد جالنا الفلس
مرت أيام فيها الهلس
قولنا الصبر مفتاح فرج
هرب فرج جالنا الخرس
_________
عمل الأفندي الاستمارة
شهر جديد يبني العمارة
قام الموظف حبسها ف درج
وراح يراقب أسبوع إعارة
______
كل الغلابة قبضوا الجديد
واحنا يا عيني ع الحديد
مفيش مرتب ليك يا فقري
علشان تشترى لبس جديد
______
مفيش محاسبة للأفندي
علشان مصالحه مهياش عندي
سيادته قبض غيره اتقبض
حاربوا الفساد وارحموا بلدي
....................................
للشاعر / محمد فتحي عبد الغني