خاف م الدنيا ماتضمنهاش
واضعف فيها ماتستقواش
واعمل فيها الطيب كله
أما ذنوبها ماتعملهاش
.......
واعرف انك يوم هتسيبها
وانك مش افضل حبايبها
ياما وعدت ناس بالجنة
بس اديتهم كل عيوبها
......
خليك عامل ليها حسابك
واسأل نفسك قبل حسابك
قبل ما تلقى كل حبايبك
اقرب واحد فيهم سابك
.......
وزع خيرك بين الكل
واياك تزهق ولا تمل
فعل الخير بيجيب حسنات
وفعل الشر يهين ويذل
.......
مد ايديك لفقير محتاج
حول حاله لأحلى مزاج
خليك طول العمر كريم
خليك واخد ع الإخراج
.......
احيي السُنة وأدي الفرض
قبل وقوفك يوم العرض
قبل ماتخلص كل حياتك
ويكون قلبك من غير نبض
#سميرمحمود
ليست هناك تعليقات:
إرسال تعليق